EDILIM

O LIM (siglas de Libro Interactivo Multimedia) é un libro en formato dixital, creado a partir dunha ferramenta de autor (EDILIM), que podemos publicar como unha páxina web en internet de modo que os alumnos poden visualizalo co navegador.

Cada libro pode ter moitas páxinas, nas que se combinan diferentes contidos teóricos e actividades podendo inserir fácilmente nelas textos e arquivos multimedia (imaxe, flash, vídeo e audio).

Esta aplicación gratuita foi creada por Fran Macías e está dispoñible en 12 idiomas para a súa descarga na páxina de EDLIM.

En cada libro, pódense crear o número de páxinas que se desexe, cada unha cunha actividade, que poden ser desde unha sopa de letras, un quebracabezas, até completar frases, preguntas con respostas múltiples, páxinas que mostran só información (con texto e imaxes). Tamén se poden incluír menús e ligazóns a distintas páxinas do libro. Hai máis de 30 persoais de páxinas distintas.

LIM non necesita instalación, pois inclúe todos os arquivos necesarios no cartafol descargado, ao facer clic no arquivo edlim.exe arrincamos o programa.

CONSIDERACIÓNS PREVIAS

LIM precisa para o seu correcto funcionamento do complemento (ou plug-in) de Flash. (Se non dispós do control flash player no teu ordenador, visita www.adobe.com/es/products/flashplayer/ )

Para crear LIMs temos a ferramenta EdiLim (editor de LIM). LIM e EdiLim son de uso e distribución libre, sempre que se respecte a súa gratuidade e autoría.

As páxinas do noso libro interactivo multimedia, poderán conter diferentes recursos, aínda que non todos os formatos de arquivo son soportados:

IMAXES: en formato .jpg, .png ou .gif (nestes dous últimos formatos podemos definir un fondo transparente para a imaxe).
SONS: So admitirá sons en .mp3
ANIMACIÓNS: en formato .swf
VIDEOS: Poden ser do tipo .flv ou .mp4 (códec H.264)
TEXTOS: en formato .txt (se está en Word gárdao como "Texto sen formato"), .htm ou .html